پاکستان سپرلیگ سیزن 10 کے 29ویں گروپ میچ میں لاہور قلندرز کی ٹیم پشاور زلمی کو شکست دیکر پلے آف مرحلے میں پہنچنے والی آخری ٹیم بن گئی ہے۔
راولپنڈی میں آندھی اور بارش کی وجہ سے میچ کا ٹاس تاخیر سے ہوا جس کے بعد اوورز کو 20 کے بجائے ایک اننگز میں 13 تک محدود کیا گیا۔
پشاور زلمی نے ٹاس جیت کر پہلے فیلڈنگ کا فیصلہ کیا۔
زلمی کی دعوت پر لاہور قلندرز کا بیٹنگ کا آغاز اچھا رہا اور 3 اوورز میں بغیر کسی نقصان کے 49 رنز بنائے۔
لاہور قلندرز نے دھواں دار بیٹنگ کی اور مقررہ 13 اوورز میں 8 وکٹوں کے نقصان پر 149 رنز بنائے۔ فخر زمان 60 رنز بناکر نمایاں بلے باز رہے۔
زلمی کے احمد دانیال، علی رضا اور ڈینئیل سیمز نے 2، 2 وکٹیں حاصل کیں۔
پشاور کے کھلاڑیوں کی خراب فیلڈنگ کی وجہ سے قنلدرز کے کھلاڑیوں کو فائدہ بھی ملا۔
0 comments:
Post a Comment